ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
Պատժամիջոցների պատճառով Ղրիմը զրկվել է հայտնի առցանց ծառայությունից
18:40, 21.02.2020 | mamul.am
9098 | 0

Ուղևորների որոնման միջազգային առցանց ծառայություն BlaBlaCar-ը դադարել է իր գործունեությունը Ղրիմի թերակղզու տարածքում՝ Եվրոմիության ներմուծած պատժամիջոցների պատճառով: Ծառայության ներկայացուցիչները ներողություն են խնդրել պատճառված անհարմարությունների համար:

Հավելենք, որ Ղրիմի տարածքում չեն գործում նաև «Յանդեքս տաքսի» և այլ նմանատիպ ծառայությունները՝ դարձյալ պատժամիջոցների պատճառով:

Թեև BlaBlaCar-ը մեծ պահանջարկ է ունեցել, այնուամենայնիվ, Ղրիմի տուրիզմի, հանգստավայրերի ու սպորտի պետական խորհրդի հանձնաժողովի նախագահ Ալեքսեյ Չերնյակը կարծում է, թե «ջոկատը չի էլ նկատել զինվորի կորուստը»: Նրա կարծիքով՝ արգելքից կտուժի միայն առցանց ծառայությունը:

BlaBlaCar ուղեկիցների որոնման հարթակը հիմնվել է 2006 թվականին ֆրանսիացի Ֆրեդերիկ Մազզելայի կողմից: Ամբողջ աշխարհում այն ունի 85 միլիոնից ավելի օգտվող:

Կիսվի՛ր այս նյութով՝
դեպի վեր