Սահմռկեցուցիչ դեպք է տեղի ունեցել Կանադայի Վիննիփեգ քաղաքում: Ամերիկացի զինվորական Ադամ Հոքեթն այստեղ բնակարան է վարձել, սակայն օրերից մի օր նկատել է, որ լոգարանի առաստաղից պատն ի վար արյուն է հոսում:

Հասկանալով, որ դժբախտություն է տեղի ունեցել, նա կանչել է դռնապանին ու վերևի հարկ շտապել: Դուռը բացող չի եղել և ստիպված են եղել կանչել փրկարարներին: Կողպեքը կոտրելուց հետո նրանք մտել են բնակարան ու ականատես եղել դաժան տեսարանի՝ լոգարանում ընկած է եղել կենվորի անշնչացած մարմինը՝ արյան լճի մեջ:

Դիակի զննությունը ցույց է տվել, որ նա մահացել է մի քանի օր առաջ, երբ լոգարանում կորցրել է գիտակցությունն ու գլխի ուժգին տրավմա տարել: Նրա բաց վերքից հոսող արյունն էլ իջել է ներքևի հարկ: