Այսօր ապրիլյան պատերազմի հերոս, մայոր Հովսեփ Մայիլյանի ծննդյան օրն է. նա կդառնար 42 տարեկան։ Հովսեփը զոհվեց ապրիլի 2-ին ծավալված մարտական գործողությունների ժամանակ՝ հակառակորդի կողմից արձակված ականանետի ականի պայթյունից, երբ հրետակոծության պայմաններում փորձել է տանկը նախապատրաստել և բերել մարտական վիճակի։ Հովսեփ Մայիլյանը Արցախի Հադրութ քաղաքից էր, ամուսնացած էր, ունի անչափահաս երեք երեխաներ՝ 15-ամյա Հարութը, 11-ամյա Մարինեն ու 2 տարեկան Հայկը: Հովսեփը հետմահու պարգևատրվել է Հայաստանի Հանրապետության «Արիություն» մեդալով: |