Երևանի ընդհանուր իրավասության դատարանում ընթանում է նախկին փոխոստիկանապետ Լևոն Երանոսյանի գործով դատական նիստը: Այս փուլում հետազոտվում և ուսումնասիրվում են տեսաձայնագրությունները, որոնք առկա են նախաքննական հատորներում: Դատարան է ներկայացել նաև ԱԺ փոխնախագահ Ալեն Սիմոնյանը: Նա այս գործով ունի տուժողի կարգավիճակ: Հիշեցնենք, ըստ նախաքննական մարմնի, 2018թ. ապրիլին հատուկ միջոցների գործադրմամբ դիտավորությամբ Երանոսյանը կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ: |