Տոկիոյում նախատեսված օլիմպիական խաղերը չեն չեղարկվի կորոնավիրուսի պատճառով, այս մասին հայտարարել է Միջազգային օլիմպիական կոմիտեն: Օլիմպիադա-2020-ի նախապատրաստական աշխատանքներն ընթանում են ըստ նախատեսվածի, իսկ վարակի տարածման կանխարգելիչ միջոցառումներն օլիմպիական խաղերին նախապատրաստվելու կարևոր բաղադրիչն են: ՄՕԿ-ն վստահեցնում է, որ մշտական կապ է պահպանում ԱՀԿ հետ, որը ևս ոչ մի անհրաժեշտություն չի տեսնում օլիմպիական խաղերի չեղարկման համար: Օլիմպիական խաղերը կմեկնարկեն հուլիսի 24-ին և կտևեն մինչև օգոստոսի 9-ը: Մարտի 12-ին Հունաստանում կմեկնարկի օլիմպիական կրակի փոխանցումավազքը: |