Արցախի մայրաքաղաք Ստեփանակերտում երեկ երեկոյան կրկին բողոքի ակցիա է տեղի ունեցել՝ նախագահ Բակո Սահակյանի հրաժարականի պահանջով: «Մեզ շատ են ասում՝ ինչո՞ւ եք պահանջում հրաժարական, քանզի մեկ ամսից ընտրություններ են: Քանի դեռ Բակո Սահակյանն իշխանության գլխին է՝ Արցախում արդար ընտրություններ կազմակերպելը լինելու է անհնար»,- նշել են հավաքվածները: Նախնական տեղեկություններով՝ եղել են բերման ենթարկվածներ: «Խիստ մտահոգիչ է դառնում Արցախում խաղաղ ցուցարարներին բերման ենթարկելու դեպքերի պարբերական բնույթը: Նման միջադեպերով չպիտի ստվերվեն Արցախում ժողովրդավարության զարգացմանն ուղղված ջանքերը»,- այս մասին ֆեյսբուքյան իր էջում գրել է Դանիել Իոաննիսյանը:
Տեսանյութը՝ Artsakh1.am-ի |