+12 °C, +12 °C ... +26 °C Վաղը`+27 °C
Երկուշաբթի աշխարհի 500 ամենահարուստ մարդկանց ընդհանուր ունեցվածքը պակասել է մոտ 139 միլիարդ դոլարով` ԱՄՆ-ում ու այլ երկրներում ֆոնդային սակարկությունների ընթացքում ինդեքսների զգալի անկման պատճառով, գրում է Bloomberg գործակալությունը: Վարկանշային ցանկում հայտնված անձանց համար սա խոշորագույն կորուստ է այն պահից ի վեր, ինչ գործակալությունը 2016թ-ի հոկտեմբերին այսպիսի հետազոտություններ է անցկացրել: Ֆրանսիական LVMH (Louis Vuitton Moet Hennessy) ընկերությունների խմբի գլխավոր տնօրեն Բեռնար Առնոն ու Amazon կորպորացիայի ղեկավար Ջեֆ Բեզոսը կորցրել են 4,8-ական մլրդ դոլար: Բեզոսը շարունակում է համարվել աշխարհի ամենահարուստ մարդը, իսկ Առնոն այս ցուցանիշով երրորդ տեղն է զբաղեցնում։ Իսպանական Zara առևտրի ցանցի սեփականատեր Ամանսիո Օրտեգիի կարողությունը կրճատվել է 4 մլրդ դոլարով, Facebook ընկերության ղեկավար Մարկ Ցուկերբերգի կարողությունը՝ 3,48 մլրդ․ դոլարով, իսկ Google ընկերության հիմնադիրներից Լարրի Փեյջի կարողությունը՝ 2,7 մլրդ դոլարով: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am