Mamul.am
Ամբողջական տարբերակ
USD 497.24, EUR 544.33, RUB 6.35, GBP 592.36
+15 °C, +6 °C ... +16 °C Վաղը`+12 °C
Hay / Հայ | Рус | Eng | Tür
«Հիասթափված եմ, հեղափոխությունը ցանցային իր բնույթից նորից դարձավ բրգաձև». Տ. Պասկևիչյան
00:05, 26.02.2020

Երևանում կառուցված դղյակներն ապօրինի են. Օրերս ՀՀ վարչապետ Նիկոլ Փաշինյանն, անդրադառնալով Երևանի, մասնավորապես՝ Մոնումենտի դղյակներին, հայտարարեց, որ դրանք ապօրինի են կառուցված:

«Առաջին լրատվական»-ի եթերում լրագրող, հրապարակախոս Տիգրան Պասկևիչյանն, անդրադառնալով այս խնդրին, ասել է. «Ինչքան հիշում եմ, այդ դղյակների մասին անընդհատ գրում են: Այդ թեման անընդհատ շրջանառվել է, և այդ մասին այսօր պետք է ոչ թե հայտարարել, այլ ինչ-որ տարբերակ գտնել այդ հարցերը վերաքննարկելու: Բնականաբար, եթե կառուցված է մի դպրոցի չափ բնակելի տուն, անպայմանորեն բնակելի մեխանիզմների հետ է կապված… Անիմաստ մեծության տուն կառուցողների վրա պետք է դրվի անիմաստ մեծության հարկ: Պետք է պարզել՝ ինչ կոռուպցիոն գործարքներ են իրականացվել»:

Դիտարկմանը, թե արդարանում են, օրինակ, ասելով՝ մոսկվացի քեռիս է նվիրել, Պասկևիչյանը նշել է. «Պետությունը պետք է մտածի՝ ինչպես պետք է լուծի «կրուտիտների» հարցը: Այդ մարդիկ թող պետությունից գողացված ամբողջ գումարները վերադարձնեն ու ինչքան ուզում են, ապրեն այդ ամրոցներում: Բայց կա մյուս տարբերակը՝ երբ որ հստակեցվի, որ իսկապես գողություն է տեղի ունեցել, պետությունը կարող է ազգայնացնել այդ շինությունը և մաս մաս վաճառել կամ հատկացնել ինչ-որ մարդկանց՝ ասենք՝ արվեստագետներին… Մտահոգություն ունեմ՝ սա չլինի միայն հռչակված խոսք և անհետանա աղմուկի մեջ: Ուզում եմ, որ իշանությունը հետևողական լինի բոլոր հարցերում...: Տպավորություն ունեմ, որ իշխանությունը չունի կուրս, որի մեջ բոլոր խնդիրները հերթականությամբ կամ զուգահեռ կդասավորվեն և կսկսվեն լուծվել: Հիասթափված եմ՝ հեղափոխությունը ցանցային իր բնույթից նորից դարձավ բրգաձև»:

Մանրամասները՝ սկզբնաղբյուրում:

Տեղեկացրե՛ք Ձեր մտերիմներին
| |
դեպի վեր