«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Սիրում եմ քաղաքական ուժի՝ կողի չընկնող այս տեսակը։ Ո՛չ սխալների ընդունում, ո՛չ ափսոսանքի խոսք, ո՛չ մեղավորներին բացահայտելու, պատասխանատվության ենթարկելու մասին մի բառ։ Պարզապես՝ ֆանտաստիկ պատմություն, ֆանտաստիկ սիմվոլիկայով։

Էս ֆանտաստիկ ժանրով էլ երկիր է ղեկավարվում, հանրաքվեի դրվում մի բան, որ ավելի շատ հարցեր է առաջացնում, քան թե տալիս պատասխաններ։ Որովհետև, էս մարդիկ մտածում են, որ եթե ժողովուրդը քվեն իրենց է տվել, ուրեմն իրենք ամենախելացին են ու անսխալականը։ Բարձրացրած հարցերին էլ պատասխանի փոխարեն ձկնային լռություն է...»: