ՁԻԱՀ-ի կանխարգելման կենտրոնի փոխտնօրեն Արամ Հակոբյանն, ում երկու ժամ առաջ բերման էին ենթարկել, քիչ անց ազատ արձակվեց: Նոր Նորքի ոստիկանական բաժանմունքի դիմաց նրան աջակցելու համար հավաքվել էր կենտրոնի բուժանձնակազմը: Հիշեցնենք, որ Առողջապահության նախարար Արսեն Թորոսյանի հրամանով ՁԻԱՀ-ի կենտրոնի տնօրեն Սամվել Գրիգորյանը 2020թ. փետրվարի 25-ից ազատվել է աշխատանքից. կենտրոնը պետք է միանա Նորքի ինֆեկցիոն բժշկական կենտրոնին: Որոշման հետ աշխատակազմը համաձայն չէ: ՀՀ ԱՆ ՁԻԱՀ-ի կանխարգելման հանրապետական կենտրոնի ֆեյսբուքյան էջում այսօր հայտարարություն էր տարածվել, որ Սամվել Գրիգորյանը 2020թ. հունվարի 24-ից գտնվում է ժամանակավոր անաշխատունակության մեջ: |