+26 °C, +14 °C ... +26 °C Վաղը`+27 °C
Վրաստանի առողջապահության նախարար Եկատերինա Տիկարաձեն և Հիվանդությունների վերահսկման ու հանրային առողջության ազգային կենտրոնի ղեկավար Ամիրան Գամկրելիձեն հայտնել են, որ երկրում նոր տեսակի կորոնավիրուսով վարակման առաջին դեպքն արձանագրվելուց հետո երկրի կառավարության որոշմամբ՝ 2 շաբաթով փակվել է Ադրբեջանի հետ սահմանը. հայտնում է Новости-Грузия-ն: «Խուճապ չկա, քանի որ մենք ձեռնարկում ենք բոլոր միջոցները, որպեսզի Վրաստանում համաճարակ չլինի»,- նշել է Տիկարաձեն, որը մինչ ճեպազրույցը հանդիպում էր ունեցել Վրաստանի վարչապետի հետ: Ադրբեջանը հերքում է Վրաստանի հետ սահմանի փակման մասին տեղեկությունը. այդ մասին հայտնում է Day.Az-ը՝ հղում անելով Վրաստանի վարչապետ Գեորգի Գախարիայի գրասենյակին։ «Վրաստանը չի փակել Ադրբեջանի հետ սահմանը կորոնավիրուսի վտանգի պատճառով: Իրոք, կան սահմանափակումներ, բայց դրանք վերաբերում են միայն Իրանի սահմանը հատող իրանցիներին»,- նշել են գերատեսչությունում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am