+23 °C, +14 °C ... +25 °C Վաղը`+25 °C
Փետրվարի 25-ին ուժի մեջ մտավ կառավարության որոշումը՝ Իրանի Իսլամական Հանրապետության հետ հաղորդակցությունը ժամանակավորապես սահմանափակելու մասին: Ըստ այդմ՝ երկշաբաթյա ժամկետով սահմանափակվել է Իրանի Իսլամական Հանրապետության հետ ցամաքային և օդային հաղորդակցությունը՝ թույլատրելով միայն ցամաքային հաղորդակցության դեպքում՝ ԻԻՀ-ից բեռնափոխադրումներ իրականացնող տրանսպորտային միջոցների մուտքը Հայաստանի Հանրապետություն: Սակայն օրերս սյունիքյան լրատվամիջոցները համացանցում տեսանյութեր էին հրապարակել այն մասին, որ բեռնատարներից բացի, նաև մարդատար մեքենաների ելումուտ կա: Այս առիթով ՀՀ ԱԽ քարտուղար Արմեն Գրիգորյանը փետրվարի 28-ին լրագորղներիի հետ զրույցում նշեց, որ իր տեղեկություններով (դա ամեն դեպքում կճշտվի) կադրերը տվյալ օրվա չեն եղել: «Իրականում սահմանափակումներն աշխատում են, միջոցներ ձեռնարկվել են, այդ միջոցներն արդյունավետ աշխատում են: Ձեռնարկված քայլերը և ՀՀ-ում այս պահին տիրող իրավիճակը խոսում են այն մասին, որ բոլոր գործողություններն արդյունավետ են»,- պնդեց Ա. Գրիգորյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am