ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+8 °C, +6 °C ... +16 °C Վաղը`+20 °C
Թուրքիայում արգելափակվել են սոցցանցերը՝ Սիրիայում զոհերի մասին լուրերից հետո
20:05, 28.02.2020 | mamul.am
5279 | 0

Թուրքիայում ժամանակավորապես կասեցվել է մի շարք սոցիալական ցանցերի հասանելիությունը։ Թուրքական մամուլի տեղեկացմամբ՝ «Իդլիբում տեղի ունեցող զարգացումների վերաբերյալ ապատեղեկատվության տարածումը կանխելու նպատակով» արգելափակվել է «Facebook», «Twitter», «Instagram» և «Youtube» հարթակների հասանելիությունը։

Սահմանափակվել է նաև «Whatsapp» հավելվածի աշխատանքը, ինչպես նաև՝ համացանցի թուրք օգտատերերի շրջանում մասսայականություն վայելող թուրքական «Ekşi Sözlük» կայքը։

Արգելափակման որոշումը կայացվել է այն բանից հետո, երբ հայտնի է դարձել, որ Թուրքիան Իդլիբում կրկին զոհեր ունի, գրում է Ermenihaber-ը։ Մասնավորապես, Հաթայի նահանգապետ Ռահմի Դողանը հայտարարել էր, որ Թուրքիայի զինված ուժերի միավորումները Իդլիբում ենթարկվել են Սիրիայի կառավարության օդուժի հարձակմանը, ինչի հետևանքով 9 թուրք զինվոր է զոհվել։

Ողջ աշխարհում ինտերնետի հասանելիության սահմանափակումներին հետևող «Netblocks.org»-ի հրապարակած տվյալների համաձայն՝ առաջինն արգելափակվել է «Twitter»-ը։

Առավել մանրամասն՝ սկզբնաղբյուրում:

Կիսվի՛ր այս նյութով՝
դեպի վեր