Նորվեգիայի թագավոր Հարալդ V-ը և թագուհի Սոնիան հայտնվել են կարանտինում՝ կորոնավիրուսի հետ կապված իրավիճակի պատճառով, հայտնել է TV2-ը: Համաձայն հեռուստաալիքի՝ այս ամսվա սկզբին արքայական զույգը գտնվել է Հորդանանում: Կարանտինը կգործի այսօրվանից, զույգը վարակի ախտանիշներ չունի: Թագավորը կառավարության նիստն անցկացրել է տեսակապի միջոցով: Բացի այդ, Նորվեգիայի կառավարության մի քանի նախարարներ նույնպես գտնվում են կարանտինում, այդ թվում՝ Նորվեգիայի ԱԳ նախարար Ինե Էրիքսեն Սերեյդեն։ Նորվեգիայում արդեն արձանագրվել է կորոնավիրուսի վարակի ավելի քան 620 դեպք՝ մահվան մեկ ելքով: Վարակման առաջին դեպքը հայտնաբերվել է փետրվարի վերջին: |