ԱՄՆ նախագահ Դոնալդ Թրամփը երկրում արտակարգ դրություն է հայտարարել կորոնավիրուսի վարակի պատճառով: Նման հայտարարություն նա արել է մամլո ասուլիսի ժամանակ: Կորոնավիրուսի դեմ պայքարի համար Սպիտակ տունը հատկացնում է 50 միլիարդ դոլար, երկրում փակվում են ուսումնական հաստատությունները, հետաձգվում են խոշոր միջոցառումները: Փակվել է Կոնգրեսի շենքը, Disneyland-ի երկու այգիները՝ Ֆլորիդայում և Քալիֆորնիայում: Այս պահին ԱՄՆ-ում COVID-19 կորոնավիրուսով վարակված է ավելի քան 1600 մարդ: Մարտի 13-ից նահանգները փակել են սահմանները Եվրոպայի քաղաքացիների առջև, բացառությամբ՝ Մեծ Բրիտանիայի: |