Լեզվաբան, բանասիրական գիտությունների թեկնածու, «Ժառանգություն» կուսակցության փոխնախագահ Նարինե Դիլբարյանը ֆեյսբուքյան իր էջում գրել է. «Ձևաթուղթը լրացնելիս, եթե սխալվես ժամային կամ նպատակային առումով, ի՞նչ տեղի կունենա, դիցուք, գրես՝ գնում ես հաց գնելու, հետո մտափոխվես և հաց գնելուց հետո բանկ մտնես, կամ էլ վերադարձը սահմանես ելքից մեկ ժամ անց, բայց 15 րոպեից գործերդ ավարտես, ինչ ես անելու....Կամ էլ նշում ես՝ գնում եմ խանութ, բայց իրականում գնում ես ժամադրության՝ պահպանելով անվտանգ հեռավորությունը՝ 5-10 մետր....
Միով բանիվ,այդ ձևաթուղթն իրոք դառնում է լոկ ձև, երևութական ու ավելորդ: Ով ինչ ուզի, կգրի ու կստորագրի, ստուգողն ո՞վ է, ամեն քաղաքացու մի-մի ոստիկան չես կցի, բարդ գործընթաց է»: