ՌԴ նախագահ Վլադիմիր Պուտինն ուղերձով դիմել է ժողովրդին և հայտարարել, որ ելնելով երկրում կորոնավիրուսի համաճարակի բռնկմամբ՝ նպատակահարմար է համարում «ավելի ուշ» ժամկետով հետաձգել սահմանադրական փոփոխությոնների վերաբերյալ քվեարկության օրը, գրում է РБК-ն։ «Մեզ համար բացարձակ առաջնահերթությունը մարդկանց առողջությունն է, կյանքը և անվտանգությունը»,- նշել է Պուտինը՝ բացատրելով քվեարկության հետաձգումը։ Պուտինը չի նշել քվեարկության նոր ամսաթիվը: «Մենք կգնահատենք, թե ինչպես կզարգանա իրավիճակը ռեգիոններում և ամբողջ երկրում, և միայն բժիշկների, մասնագետների կարծիքը լսելուց հետո մենք կորոշենք քվեարկության նոր օրը»,- հավելել է նա: |