Mamul.am
Ամբողջական տարբերակ
USD 485.12, EUR 546.92, RUB 6.72, GBP 605.43
+33 °C, +21 °C ... +34 °C Վաղը`+32 °C
Hay / Հայ | Рус | Eng | Tür
Իշխանական խմբակցության պատգամավորները, կարծես թե, փոշմանել են․ «Ժողովուրդ»
08:55, 26.03.2020

«Ժողովուրդ» օրաթերթը գրում է․ «Իշխանական խմբակցության պատգամավորները, կարծես թե, ետ են կանգնել «Սպառողական կրեդիտավորման մասին» օրենքում փոփոխություններ կատարելու մտքից, որը ենթադրում էր արգելել սպառողական վարկերի գովազդը էլեկտրոնային լրատվամիջոցներում։ Գաղտնիք չէ, որ ԶԼՄ-ները այդ կազմակերպությունների գովազդներով են իրենց թափանցիկ ֆինանսական հոսքերն ապահովում: Թե ինչու են իմքայլականները որոշել նման քայլի դիմել, «Ժողովուրդ» օրաթերթն արդեն տևական ժամանակ է՝ փորձում է օրենքի նախագծի համահեղինակ Արտակ Մանուկյանից պարզել, սակայն Մանուկյանը կտրականապես հրաժարվում է օրենքի նախագիծը մեկնաբանելուց:

«Ժողովուրդ» օրաթերթին հաջողվել է զրուցել ԱԺ «Իմ քայլը» խմբակցության պատգամավոր, «Սպառողական կրեդիտավորման մասին» օրենքի նախագծի համահեղինակ Վարազդատ Կարապետյանի հետ, որն էլ մեզ հետ զրույցում նշել է, թե քննարկումներ են ընթանում, և փոփոխություններ կլինեն։ «Հիմա մենք լսում ենք լրատվամիջոցներին և հասկանում ենք, որ դա նաև էական եկամտի աղբյուր է լրատվամիջոցների համար, և այդ մասով ևս մենք պատրաստվում ենք վերանայել նախագիծը: Այսինքն՝ մեզ համար կարևոր է, որ չխաբեն մարդկանց այդ կազմակերպությունները գովազդի միջոցով, և ինչպիսին կլինի սահմանափակումը, ապա սա քննարկումների միջոցով, նաև լրատվամիջոցների հետ քննարկումների միջոցով կգանք ընդհանուր եզրակացության»,- նշել է Կարապետյանը»:

Տեղեկացրե՛ք Ձեր մտերիմներին
| |
դեպի վեր