ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Ունենք վարակված մեկ բժիշկ, մեկ բուժքույր, շտապօգնության մեկ վարորդ». Արսեն Թորոսյան
15:05, 26.03.2020 | mamul.am
13905 | 0

Հայաստանը չունի կորոնավիրուսի թեստերի պակաս և շարունակում է դրանք ձեռք բերվել, մինչ այժմ արվել է 1440 թեստ, որից դրական է եղել 290-ը, այս մասին ասուլիսի ժամանակ հայտարարեց նախարար Արսեն Թորոսյանը։
Ըստ նրա՝ կոնտակտավորների շրջանակը պարզելու գործընթացը շարունակական է, դեպքեր կան, որ շրջանակը պարզ է 100 տոկոսով:
«Ինձ համար անհասկանալի է այն, որ հաճախ մեր քաղաքացիները չեն համագործակցում, չեն պատմում իրենց բոլոր շփումների մասին, կարծես թե մենք իրենց հետ այլ բան պիտի անենք, քան իրենց առողջության մասին մտածելն է»:
Ա. Թորոսյանն ասաց, որ վաղը կհրապարակեն մի քարտեզ, որտեղ կներկայացվեն կորոնավիրուսի դեպքերը` ըստ մարզերի: Հիմա հայտնի է, որ ամենից շատ դեպքեր են արձանագրվել Արմավիրի, Կոտայքի, Արարատի մարզերում և Երևանում: Գյումրիից հիվանդների թիվը կարելի է 1-2 ձեռքի մատների վրա հաշվել, նրանց մոտ հիվանդությունը թեթև է:
Մինչ այժմ ասվում էր, թե երեխաները կորոնավիրուսով չեն հիվանդանում, սակայն դեպքերի արձանագրումից հետո կարելի՞ է ասել, որ երեխաները ևս ռիսկային խմբում են: Ա. Թորոսյանը պարզաբանեց, որ երբ ասում են, թե երեխաները կայուն են կորոնավիրոսի հանդեպ, նկատի ունեն առողջ երեխաներին:
«Եթե կա իմունիտետի դեֆիցիտ, երեխան դառնում է ռիսկային: Փոխանցման շղթաները պետք է կոտրել բոլոր տարիքներում»։
Նախարարի վկայությամբ` հիվանդներին բուժում են Chloroquine դեղով, մինչ այդ բուժել են ՄԻԱՎ-ի համար նախատեսված 2 դեղերի խառնուրդով: Դեռ վաղ է եզրակացության գալ Chloroquine-ի արդյունավետության վերաբերյալ: Առայժմ որոշվել է այն տալ ծանր, թոքաբորբ ու դրա զարգացման ռիսկ ունեցողներին:
Ներկա դրությամբ` կորոնավիրուսով հիվանդ մանկահասակ երեխա չունենք, կան դպրոցահասակներ, նրանք իրենց լավ են զգում:
«Ունենք վարակված մեկ բուժքույր, բժիշկ, ՇՕ վարորդ, դա անխուսափելի է, որքան էլ փորձենք նրանց պաշտպանել»,-ասաց նախարարը:
Հարցին, թե ինչ հետևանք կարող է թողնել կորոնավիրուսը հղի կանանց ու պտղի վրա, նախարարն ասաց, որ դեռ վաղ է խոսել դրա մասին․ տարիների հետազոտություն է անհրաժեշտ:

Կիսվի՛ր այս նյութով՝
դեպի վեր