Mamul.am
Ամբողջական տարբերակ Մամուլի խոսնակ
USD 485.23, EUR 570.68, RUB 6.59, GBP 633.52
+19 °C, +20 °C ... +32 °C Վաղը`+31 °C
Hay / Հայ | Рус | Eng | Tür
Ֆրանսիայում #COVID_19 կորոնավիրուսի դեմ կպայքարեն ռազմական գործողությունների միջոցով․ #RFI
22:30, 26.03.2020

Ֆրանսիայի նախագահ Էմանուել Մակրոնը հայտարարել է երկրում «Կայունություն» գործողության մեկնարկի մասին, որը կլինի բանակի անմիջական մասնակցությամբ՝ երկրում կորոնավիրուսի տարածման դեմ պայքարելու համար, հայտնում է RFI-ն:

Մակրոնը նշել է, որ զինված ուժերը կկատարեն «սանիտարական, լոգիստիկ և պաշտպանական» գործառույթներ:
«Մենք գտնվում ենք պատերազմական իրավիճակում, և պայմանավորված համաճարակի գագաթնակետով՝ Գլխավոր շտաբի պետի առաջարկով ես որոշեցի սկսել «Résilience» («Ամրություն»), նաև առանձին «Sentinelle» («Ժամապահ») գործողությունները, որի ընթացքում պայքարը շարունակվելու է զինվորականների մասնակցությամբ»,- նշել է նախագահը:
Ֆրանսիայի առաջնորդը նաև կոչ է արել ազգային միասնություն ցուցաբերել կորոնավիրուսի դեմ պայքարում և լուրջ ֆինանսական ներդրումներ խոստացել առողջապահության ոլորտում:

Ֆրանսիան նախօրեին իր զորքերը դուրս է բերել Իրաքից:

Անցած օրվա ընթացքում կորոնավիրուսի վարակի նոր դեպքերի թիվն աճել է գրեթե 2,5 հազարով: Ներկայում Ֆրանսիայում վարակակիր է համարվում ավելի քան 22,3 հազար մարդ:

Տեղեկացրե՛ք Ձեր մտերիմներին
| |
դեպի վեր