«Առաջին լրատվական»-ի եթերում «Ազատ հայրենիք» կուսակցության նախագահ, Արցախի Հանրապետության նախագահի թեկնածու Արայիկ Հարությունյանն, անդրադառնալով կորոնավիրուսի հետևանքով հնարավոր վտանգներին և ընտրությունների հնարավոր հետաձգմանը, ասել է. «Արցախի ընտրությունները հետաձգելու պարագայում լուրջ խնդիրներ կառաջանան նախ գործող իշխանության լեգիտիմության հետ կապված, դա կարող է մինչև սահմանադրական ճգնաժամի հանգեցնել: Իհարկե, վտանգ կա: Կառավարությունը մշտապես քայլեր է ձեռնարկում վարակի ներթափանցումը կանխելու համար: Արցախի սահմանադրությամբ մենք ունենք այլ հնարավորություններ. արտակարգ իրավիճակ հայտարարելու ժամանակ ընտրությունները չեն հետաձգվում: Տարածման վտանգը քարոզարշավն է, ոչ թե՝ ընտրությունը»: Նա նաև հավելել է, որ իշխանության կողմից ընդունված ցանկացած որոշում իրենց կողմից ընդունելի կլինի: Մանրամասները՝ սկզբնաղբյուրում: |