«ՌԴ Կառավարությունը սահմաններին նոր սահմանափակումներ մտցնելու որոշում է կայացրել, և այդ որոշումը որոշակի անհանգստություններ էր առաջացրել Հայաստանում՝ բիզնես շրջանակներում»,-ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը: Նա նշեց, որ ՌԴ-ի կառավարության այդ որոշումները որևէ ազդեցություն չեն ունենա ՀՀ-ՌԴ բեռնափոխադրումների միջև. «Նման անհանգստությունները տեղին չեն, որովհետև այդ որոշումը որևէ կերպ չի ազդելու հայաստանյան բեռների վրա: Այս փաստը հաստատվեց նաև քիչ առաջ ՌԴ վարչապետ Միշուստինի հետ իմ ունեցած հեռախոսազրույցի ընթացքում: Բեռնափոխադրումների նույն ռեժիմն այդ որոշումից հետո շարունակելու է գործել, ինչպես առաջ»,-նշեց ՀՀ վարչապետը: Մանրամասները՝ տեսանյութում:
«ՌԴ-ի այդ որոշումը որևէ կերպ չի ազդելու հայաստանյան բեռների վրա». ՀՀ վարչապետ |