Այսօր Ինեկոբանկը հայտարարեց ևս մեկ հաճախորդամետ լուծման մասին․ այսուհետ բանկի բոլոր հաճախորդները հնարավորություն ունեն օգտվել բանկային բոլոր ծառայություններից առցանց տարբերակով՝ առանց մասնաճյուղ այցելելու` մուտք գործելով Ինեկոբանկի պաշտոնական կայքէջ։
«Հետևելով իրադարձություններին և տեղաշարժման սահմանափակումներին՝ մենք հաճախորդների համար սպասարկումը դարձրեցինք ամբողջապես հեռահար»,- այս մասին նշել է Ինեկոբանկի գործադիր տնօրեն Արեն Նալթակյանը։
Մեզ հայտնի InecoOnline և InecoMobile համակարգերի հետ մեկտեղ՝ բանկը ներկայացրել է հեռահար սպասարկման մի շարք այլ տարբերակներ, մասնավորապես մասնաճյուղերի արդեն ծանոթ աշխատակիցները հաճախորդներին կսպասարկեն հեռախոսազանգերի, տեսազանգերի և նամակների միջոցով։
«Նման բեկումնային շրջանում շատ կարևոր է ապահովել բանկային գործունեության անխափան աշխատանքը, և մենք այն դարձրել ենք հասանելի 24/7 ռեժիմով՝ ապահովելով բոլոր գործարքների հասանելիությունը և միջոցների շրջանառելիությունը։ Մեզ համար շատ կարևոր է, որ Դուք մեզ հետ տեղափոխվեք օնլայն»,- ամփոփել է Նալթակյանը։
Սույն թվականի մարտի 30-ից, այցելելով Ինեկոբանկի պաշտոնական կայքէջ, հաճախորդները հնարավորություն կունենան ընտրել իրենց առավել հարմար հաղորդակցման տարբերակը, թողնել հայտեր ծառայությունների մատուցման համար և կատարել այլ գործարքներ, որոնք սովորաբար կատարում էին բանկի մասնաճյուղերում՝ բացառությամբ կանխիկ դրամով գործարքներից, որոնց համար էլ նրանք կարող են օգտվել բանկի 24/7 ինքնասպասարկման տերմինալներից։