«Բերված նախագիծը չի երաշխավորում, որ մենք կյանքեր ենք փրկում, որովհետև հեռախոսով շփված մարդկանց շրջանակը մեզ չի տալու այն մարդկանց շրջանակը, ում հետ մարդն իսկապես ֆիզիկապես շփվել է». մարտի 31-ին ԱԺ արտահերթ նիստում հայտարարեց ԼՀԿ-ից Գևորգ Գորգիսյանը:

Ըստ պատգամավորի՝ բերված նախագիծը ոչ միայն խնդրի համաչափ լուծում չէ, այլև ուշացած է: Ունենալով արդեն 400-ը գերազանցող դեպքեր՝ չենք կարողանա անձանց գտնել:
«Կառավարությունը, ունենալով նման հնարավորություն, կարող է դիմել ընկերությունների՝ Facebook, WhatsApp, Viber և ստանալ տեղեկություններ, թե ում և երբ եք զանգել, և այդ ամենը բնականաբար պահվում է․․․ Սա կյանքեր փրկելու անվան տակ լուրջ վերահսկողություն մտցնելու գործիք է դառնալու»,- եզրափակեց ընդդնիմադիր պատգամավորը: