Արցախի համապետական ընտրություններում իրենց քաղաքացիական պարտքը կատարեցին Արցախի նախագահի ևս մի քանի թեկնածուներ: Ընտրությանն արդեն մասնակցել է Մասիս Մայիլյանը. «Համապետական ընտրություններին կատարելով իմ քաղաքացիական պարտքը՝ ընտրել եմ նոր Արցախը՝ ավելի ապահով, անվտանգ, ժողովրդավարական և քաղաքակիրթ»,- լրագրողների հետ զրույցի ժամանակ ասել է նա: ԱՀ նախագահի թեկնածու առաջարված Դավիթ Իշխանյանն էլ քվեարկելուց հետո՝ ճեպազրույցի ժամանակ ասել է. «Տարբեր տեղերից կան ահազանգեր՝ կուտակումների, քվեաթերթիկը նկարելու վերաբերյալ, սակայն այդ մասին արդեն իսկ ահազանգել ենք Կենտրոնական ընտրական հանձնաժողով»: |