Իսպանիայում վարակակիրների թիվը հատել է 110 238-ը, գրում է RFI-ն՝ հղում անելով երկրի Առողջապահության նախարարության տրամադրած տվյալներին։ Նախօրեին կորոնավիրուսով վարակված 950 մարդ է մահացել, որը երկրում մահացության նոր ռեկորդ է։ Մարտի 31-ին Իսպանիայում գրանցվել էր մահվան 864 դեպք:

Իսպանիայում համաճարակի բռնկումից ի վեր մահացել է ընդհանուր առմամբ 10 003 մարդ:
Նախորդ օրն Իսպանիայում գրանցվել է 7 719 նոր վարակակիր:
Միևնույն ժամանակ, Իսպանիայում արդեն ապաքինվել է 26 743 մարդ, որից ավելի քան 4 հազարը՝ միայն վերջին մեկ օրվա ընթացքում: