+16 °C, +16 °C ... +28 °C Վաղը`+28 °C
«Առաջին լրատվական»-ի եթերում Վազգեն Սարգսյանի անվան ռազմական համալսարանի հրամանատարաշտաբային ֆակուլտետի պետ Արծրուն Հովհաննիսյանն անդրադարձել է Ապրիլյան պատերազմից հետո չորս տարի անց արված հետահայաց վերլուծություններին: Հովհաննիսյանը նշել է, որ իր համար ապրիլի 2-ը նշանակալի ու ցավոտ օր է՝ կապված շատ կարևոր հիշողությունների հետ: Նա ընդունել է, որ Զինված ուժերը դեռևս 2016-ի ապրիլին, երբ մարտական գործողություններն ավարտվել էին, ՊՆ Գլխավոր շտաբում ամեն ինչ վերլուծել են. «Մանրակրկիտ մասնագիտական վերլուծություն է կատարվել, թե մեր առավելությունները և բացթողումները որոնք էին: Բոլոր բանակները հաջողությունների կողքին ունենում են նաև բացթողումներ, դրանք կազմակերպչական են, տեխնիկական են, նաև մասնագիտական և կապված պատասխանատվության հետ: Այդ վերլուծությունները հիմք են հանդիսացել մեր մարտական պատրաստվածության զարգացման, կառուցվածքային փոփոխությունների և նաև սպառազինման առումով: Նոր տեսակի զինամթերք ենք ձեռք բերել, բայց բանակի զարգացման հիմքում միայն զենք-զինամթերքը չէ, որ ապահովում է բարձր մարտունակությունը և ժամանակի պահանջներին համապատասխան լինելը, այլ առաջին հերթին մեր մարտական պատրաստվածության գործընթացներն են, զորավարժությունները, որոնք միտված են բանակի մարտունակության շեշտակի բարձրացմանը...: Մերոնք հակառակորդին ճանաչում են, բայց «գարանտիա» չկա, որ երբեք չենք խաբվի»,- նշել է Արծրուն Հովհաննիսյանը: Մանրամասները` սկզբնաղբյուրում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am