Ամերիկյան Boeing օդանավաշինական ընկերությունը դադարեցնում է օդանավերի արտադրությունը Փենսիլվանիա նահանգի Ռիդլի քաղաքում՝ կորոնավիրուսի համավարակի տարածման պատճառով: Համապատասխան հայտարարությամբ հանդես է եկել ընկերության կայքը: Փենսիլվանիայում տեղակայված գործարանն արտադրում է H-47 Chinook ծանր ռազմական տրանսպորտային ուղղաթիռներ, V-22 Osprey կոնվերտոպլաններ և MH-139A Grey Wolf երկշարժիչային բազմաբնույթ նշանակության ուղղաթիռներ: Արտադրանքը կդադարեցվի մինչև այս տարվա ապրիլի 20-ը: Այս ժամանակահատվածում նախատեսվում է շենքերի ախտահանման աշխատանքներ իրականացնել: «Աշխատանքի դադարեցումը լուրջ քայլ է, բայց անհրաժեշտ է մեր աշխատակիցների առողջության և անվտանգության համար»,- նշվում է ընկերության հայտարարության մեջ: |