Mamul.am
Ամբողջական տարբերակ
USD 485.74, EUR 547.57, RUB 6.82, GBP 608.34
+22 °C, +20 °C ... +31 °C Վաղը`+28 °C
Hay / Հայ | Рус | Eng | Tür
ԱՄՀ ղեկավարը՝ համաշխարհային տնտեսության վիճակի մասին
14:40, 04.04.2020

Համաշխարհային տնտեսությունը գրեթե կանգ է առել, և իրավիճակը շատ ավելի վատ է, քան 2008-2009 թվականների ճգնաժամի ժամանակ: Այս մասին ճեպազրույցի ժամանակ հայտարարել է Արժույթի միջազգային հիմնադրամի (ԱՄՀ) ղեկավար Քրիստալինա Գեորգիևան:

«ԱՄՀ պատմության մեջ երբևէ չենք տեսել, որ համաշխարհային տնտեսությունը կանգ առնի: Մենք անկման մեջ ենք»,- հայտարարել է Գեորգիևան:

Ըստ նրա՝ զարգացող երկրներն ամենից շատն են տուժում կորոնավիրուսի հետևանքներից, քանի որ նրանք «ավելի քիչ ռեսուրսներ ունեն պաշտպանվելու այս կրկնակի ճգնաժամից՝ տնտեսական ու առողջապահական»:
«Իրականում, մեր հիմնադրման 75-ամյա պատմության ընթացքում երբևէ այդքան շատ երկրներ միաժամանակ չեն դիմել արտակարգ իրավիճակներով պայմանավորված ֆինանսավորման համար։ Մեզ արդեն դիմել են 85 երկիր»,-նշել է Գեորգիևան:
Նա հավելել է, որ ԱՄՀ-ը պատրաստ է օգտագործել իր ամբողջ պահուստը, որը կազմում է 1 տրիլիոն դոլար և կրկնապատկել արտակարգ իրավիճակների ֆինանսավորման ծավալը 50 միլիարդ դոլարից մինչև 100 միլիարդ դոլարի սահմաններում:

Տեղեկացրե՛ք Ձեր մտերիմներին
| |
դեպի վեր