+14 °C, +14 °C ... +27 °C Վաղը`+26 °C
«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Մի ամիս է՝ ասում եմ դիմակ դրեք, ասում են՝ դիմակը օգուտ չի տալիս։ Արսեն Թորոսյանի լայվն եմ նայում, ասում է. «Մենք ասում էինք՝ դիմակ մի կրեք, որովհետև օգուտ չի տալիս, հիմա հենվելով միջազգային փորձից՝ ասում ենք դիմակ դրեք, որովհետև, չնայած, որ օգուտ չի տալիս, այնուամենայնիվ օգուտ է տալիս»: Ու հիմա էլ մի ուրիշ սխալ բան է ասում։ Ասում է՝ կարող եք դիմակը լվանալ։ Ընկեր Թորոսյան, ես հասկանում եմ, որ խոսքը միանգամյա օգտագործման դիմակների մասին չի, բայց չե՞ք մտածում, որ կարող եք մարդկանց մոլորության մեջ գցել։ Դիմակը լվանալը կտրուկ նվազեցնում է դիմակի պաշտպանիչ հատկությունը, մի՛ արեք նման բան։ Կլինի՞, ուղղակի դիմակ կրելու ճիշտ ձևը ցույց տաք, բացատրեք մարդկանց, թե ոնց հագնեն, ոնց հանեն, որտեղ կրեն, ինչպես ուտիլիզացնեն, որ անվտանգ լինի ու դրանով սահմանափակվեք։ Դիմակը օգնո՞ւմ է, դիմակի պահանջարկ կա՞։ Արտակարգ իրավիճակներում պետությունը պարտավոր է ապահովել քաղաքացիների անվտանգությունը։ Դիմակը դրա ապահովման միջոցներից մեկն է։ Հայաստան հասցնելով՝ մեկ դիմակի ինքնարժեքը կլինի 160-170 դրամ։ Տեղը ասեմ, գնացք առեք, բերեք բաժանեք, նվիրեք, վաճառեք: Դուք չեք կարողանում բերել, ես բերեմ։ Դուք չեք բերում, ապրանքը ազատեք մաքսատուրքից ու ԱԱՀ-ից, թողեք գործարարները բերեն։ Ոչ թե մարդկանց սովորեցրեք, թե ոնց դիմակը լվանան։ Հ.Գ. Էնպես էլ երկրորդ դեմքով գրում եմ, կարծես Թորոսյանը բան ու գործ թողած, նստած իմ գրառումներն է կարդում։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am