ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+5 °C, +5 °C ... +16 °C Վաղը`+19 °C
Նիկոլ Փաշինյանն անդրադարձավ Ծառուկյանի 3000 դրամանոց «բարեգործությանը»
21:15, 06.04.2020 | mamul.am
38950 | 1

Ֆեյսբուքյան ուղիղ եթերում քաղաքացիների հետ հարցուպատասխանի ժամանակ Փաշինյանն անդրադարձավ քաղաքացիներից մեկի հարցին. «Դեռ ինչքա՞ն պիտի ժողովուրդն սպասի, որ նախկինների միլիարդավոր դոլարների թալանը վերադարձվի ժողովրդին: Ինչքան պետք է սպասենք, թե որ «ձեռներեց» բարերարը պետք է մի քանի միլիոն դրամով աջակցի երկրին, քանզի նրանց չակերտավոր բարերարությունը դիտվում է որպես օգնություն»:

Ի պատասխան վարչապետն ասաց. «Կարևորելով բարեգործությունը, ասեմ, որ վերջերս մի այսպիսի վարժություն եմ արել: Իքս մարդը իքս օգնություն էր բաժանել իքս տեղում և սրա մասին լայնածավալ ռեպորտաժներ են ցուցադրվում: Ես խնդրեցի ճշտել, թե կոնկրետ ինչ և ինչ գնի է բաժանվել: Պարզեցինք, որ բաժանված մի տոպրակի պարունակության գինը 3000 դրամ է եղել: Երբ որ բաժանված տոպրակները հաշվեցինք, մոտավորապես եղավ 350-400 հազար դրամի օգնություն: Երբ այս թիվը համեմատեցինք հեռուստատեսության ռեպորտաժի և գովազդի րոպեների հետ, որի համար չի վճարվել, ստացվեց, որ այս ձևով հեռուստագովազդի գների հետ կամ համեմատելի է, կամ ավելի էժան է ստացվում: Այս երևույթն իսկապես պետք է գնահատական ստանա: Այսինքն, գովազդի գնից պակաս աջակցություն է բաժանվում ու հեռարձակվում որպես գովազդ: Ստացվում է, որ սա շատ ձեռնտու գործողություն է, որն իրականում ոչ թե բարեգործություն է, այլ սեփական գովազդ: Որովհետև սովորական գովազդ պատրաստելու և հրապարակելու համար ավելի շատ գումար կծախսվեր»:

Կիսվի՛ր այս նյութով՝
դեպի վեր