ՀՀ վարչապետ Նիկոլ Փաշինյանն, այսօր պատասխանելով քաղաքացու՝ գիշերօթիկների և տուն-ինտերնատների փակվելուց հետո երեխաների և ծերերի ապրելու պայմաններին, ասել է, որ գիշերօթիկ հաստատությունների փակվելուց հետո շուրջ 230 երեխա վերադարձել է կենսաբանական ընտանիքներ և նրանց ընտանիքներն ընդգրկվել են աջակցության ծրագրերում: «Երեխաները նախկինում պահվում էին բավականին տխուր այդ հիմնարկներում: Մեր քաղաքականությունն այն է, որ այդ երեխաները վերադառնան և ապրեն իրենց ընտանիքներում: Այն գումարները, որ այն ժամանակ ծախսում էինք այդ հաստատություններում, հիմա ծախսում ենք տվյալ ընտանիքներում»,- ասաց Ն․ Փաշինյանը: Նա տեղեկացրել է, որ որդեգրման համար կարող են դիմել Երևանի քաղաքապետարան և մարզպետարաններ: |