ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+10 °C, +3 °C ... +13 °C Վաղը`+16 °C
Արցախում կորոնավիրուսով վարակված անձը տեղափոխվել է Երևան
19:35, 07.04.2020 | mamul.am
5425 | 0

Արցախում ընթացող մամուլի ասուլիսի ժամանակ ԱՀ պետական նախարար Գրիգորի Մարտիրոսյանը հայտնեց, որ կորոնավիրուսով վարակված անձը 60 տարեկանից բարձր է և գտնվում է հիվանդության ռիսկային խմբում։ Պետնախարարը նշեց, որ հիվանդին Շտապօգնության մեքենայով տեղափոխել են Հայաստանի Հանրապետություն։ «Նա բուժում կստանա Երևանում։ Անձը 60 տարեկանից բարձր է և որոշակի ռիսկային խմբում է գտնվում»,– ասաց նա։

Հիշեցնենք, որ Արցախում այսօր մեկ քաղաքացու մոտ կորոնավիրուս է ախտորոշվել: Հավելենք, որ Արցախ տեղեկատվական շտաբի տվյալներով՝ Արցախում այսօրվա ընթացքում թեստավորվել է արտերկրից վերադարձած և ինքնամեկուսացման մեջ գտնվող ևս մեկ քաղաքացի, ում մոտ կորոնավիրուսի ախտորոշման թեստի պատասխանը բացասական է:

Կիսվի՛ր այս նյութով՝
դեպի վեր