ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+2 °C, +2 °C ... +16 °C Վաղը`+19 °C
70 երկիր մշակում է #COVID_19 կորոնավիրուսի դեմ պատվաստանյութը․ ԱՀԿ
21:40, 08.04.2020 | mamul.am
10927 | 0

COVID-19 կորոնավիրուսի դեմ պատվաստանյութերի մշակման վերաբերյալ հետազոտությունները ընթանում են «անհավանական արագությամբ»: Այս մասին հայտարարել է Առողջապահության համաշխարհային կազմակերպության գլխավոր տնօրեն Թեդրոս Ադան Գեբրեյեսուսը՝ Ժնևում կայացած մամուլի ասուլիսի ընթացքում, հայտնում է CNBC-ն:

Նրա խոսքով՝ պատվաստանյութի մշակման գործընթացը արագացնելու համար ուսումնասիրություններին միացել է ավելի քան 70 երկիր: Բացի այդ, ներգրավված են մոտ 20 հաստատություն և ընկերություններ:

«Վիրուսի գենոմն ստացվել է հունվարի սկզբին և տարածվել ամբողջ աշխարհում, ինչը թույլ է տվել մեզ մշակել թեստեր և սկսել հետազոտություններ իրականացնել պատվաստանյութերի վերաբերյալ»,- նշել է Գեբրեյեսուսը:

«Երբ պատվաստանյութը կամ դեղամիջոցը պատրաստ լինի, մենք պետք է կարողանանք այն տարածել աշխարհով մեկ: Չպետք է բաժանում լինի հարուստների և աղքատների համար պատվաստանյութի բաշխման ժամանակ»,- նշել է ԱՀԿ-ի գլխավոր տնօրենը:

Կիսվի՛ր այս նյութով՝
դեպի վեր