Համավարակի ժամանակ Առողջապահության համաշխարհային կազմակերպության ֆինանսավորումը չի կարելի կրճատել, ինչպես այդ մասին հայտարարել է ԱՄՆ նախագահ Դոնալդ Թրամփը: Այս մասին հայտնել է Առողջապահության համաշխարհային կազմակերպության (ԱՀԿ) եվրոպական բաժնի տնօրեն Հանս Կլուգեն, գրում է РИА Новости-ն։ «Որպես տարածաշրջանի տնօրեն, ես պատասխանատու եմ ԱՀԿ անդամ 53 երկրների համար, և ես ձեզ կասեմ՝ ո՛չ: Մենք դեռ գտնվում ենք համավարակի սուր փուլում: Ֆինանսավորումը կրճատելու ժամանակը չէ»,- նշել է Կլուգեն: |