+12 °C, +12 °C ... +25 °C Վաղը`+26 °C
Համաշխարհային տնտեսության ընդհանուր վնասը նոր կորոնավիրուսի տարածման պատճառով կկազմի ավելի քան 5 տրիլիոն դոլար երկու տարվա ընթացքում: Այս մասին վկայում են Bloomberg գործակալության հրապարակած տվյալները։ Համաձայն հոդվածի՝ «աշխարհը հայտնվել է խաղաղ պայմաններում ամենախորը անկման մեջ՝ 1930-ական թվականներից ի վեր։ Համավարակի պատճառով իշխանությունները մասնավոր ձեռնարկություններին կարգադրել են դադարեցնել աշխատանքը, իսկ մարդկանց՝ մնալ տանը։ Չնայած կանխատեսվում է, որ ռեցեսիան կարճաժամկետ է, բայց [խմբ․՝ երկրների] տնտեսություններին վերականգման համար ժամանակ կպահանջվի»,- գրում է գործակալությունը: Ստեղծված իրարվիճակի վերաբերյալ իր կարծիքն է հայտնել Citigroup բանկային ընկերության գլխավոր տնտեսագետ Քեթրին Մանը: Նա կարծում է, որ համաշխարհային տնտեսությանը հասցված վնասը կգերազանցի 5 տրիլիոն դոլարը: Bank JPMorgan Chase-ի փորձագետները կորուստները գնահատում են 5,5 տրիլիոն դոլար: Նրանք նշում են, որ զարգացած երկրներում կլինի տնտեսական անկում, որը համեմատելի է 2008-2009 և 1974-1975 թվականներին տեղի ունեցած իրավիճակի հետ: Ամերիկյան Morgan Stanley բանկի մասնագետները կարծում են, որ զարգացած երկրներում ՀՆԱ-ի ցուցանիշները կվերադառնան նախաճգնաժամային ցուցանիշներին միայն 2021 թվականի երրորդ եռամսյակում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am