Բրիտանական The Telegraph պարբերականի լրագրող Քրիստոֆեր Սնոուդոնը (Christopher Snowdon) սատարել է ԱՄՆ-ի նախագահ Դոնալդ Թրամփի այն հայտարարությանը, որով նա քննադատում էր Առողջապահության համաշխարհային կազմակերպության (ԱՀԿ) աշխատանքը կորոնավիրուսի համաճարակի վերաբերյալ: Նա իր հոդվածում նաև քննադատել է միջազգային կառույցի գործունեությունը և ենթադրել, որ եթե ԱՀԿ-ում կոռուպցիա չկա, ապա այն առնվազն ղեկավարվում է այն մարդկանց կողմից, ովքեր կորցրել են իրենց բանականությունը: Ըստ հոդվածի՝ ԱՀԿ-ը կամ պետք է դադարի գոյություն ունենալ, կամ կազմակերպությունը պետք է բարեփոխվի: |