+13 °C, +13 °C ... +26 °C Վաղը`+25 °C
Սպիտակ տունը ներկայացրել է ԱՄՆ նախագահ Դոնալդ Թրամփի հայտարարությունը՝ Հայոց ցեղասպանության 105-րդ տարելիցի կապակցությամբ. «Այսօր մենք միանում ենք ամբողջ աշխարհի հանրությանը՝ ոգեկոչելով Մեծ եղեռնի՝ 20-րդ դարի ամենազանգվածային վայրագության ժամանակ զոհվածների հիշատակը: Սկսած 1915 թվականից մեկ ու կես միլիոն հայեր տեղահանվեցին, սպանվեցին կամ մահվան աքսորի դատապարտվեցին Օսմանյան կայսրության վերջին տարիներին։ Ամեն տարի, ապրիլի 24-ին, մենք անդրադարձ ենք կատարում ամերիկացի ու հայ ժողովուրդի ուժեղ և ամրացող կապին։ Մենք հպարտ ենք 1915թ․ Հայկական և սիրիական օգնության ամերիկյան կոմիտեի հիմնադիրների հսկայական ջանքերով, որոնք նշանակալից մարդասիրական օժանդակություն տրամադրեցին հայ փախստականներին, և շնորհակալ ենք հազարավոր ամերիկացիներին, որոնք օժանդակեցին և կամավորագրվեցին՝ օգնելու համար տեղահանված հայերին։ Մենք ողջունում ենք հայերի և թուրքերի ջանքերը՝ ճանաչելու և հաշվի նստելու իրենց ցավալի պատմության հետ: Այսօր մենք հավատում ենք՝ դա մեր պարտականությունն է՝ հիշել նրանց, ովքեր տառապել են ու զոհվել, և վերահաստատում ենք մեր նվիրվածությունը՝ աշխարհում կրոնական և էթնիկ փոքրամասնությունների պաշտպանության գործին»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am