+22 °C, +14 °C ... +25 °C Վաղը`+25 °C
Վրաստանի ԱԳ նախարար Դավիդ Զալկալիանին «Իմեդի» հեռուստաալիքին տված հարցազրույցում հայտարարել է, որ հայկական կողմը ցավում է, որ «Հայաստանի առողջապահության նախարար Արսեն Թորոսյանի սխալ մեկնաբանված հայտարարությունը վշտացրել է վրաց գործընկերներին: Այս մասին հայտնում է Новости-Грузия-ն: «Ինձ հետ կապ են հաստատել Երևանում մեր դեսպանությունից: Նրանք հայտնել են, որ դեսպանություն են զանգահարել ՀՀ առողջապահության նախարարությունից: Զանգահարել է նախարարության միջազգային հարաբերությունների հարցով վարչության ղեկավարը և առողջապահության նախարար Արսեն Թորոսյանի անունից ափսոսանք է հայտնել, որ նախարարի հայտարարությունը սխալ է մեկնաբանվել ԶԼՄ-ների կողմից, որը վշտացրել է վրացի գործընկերներին»,- ասել է Զալկալիանին՝ հավելելով, որ այդ տեղեկությունը պետք է ճշտվի: Հիշեցնենք, որ ավելի վաղ Թորոսյանը հայտարարել էր, որ Հայաստանի հակահամաճարակային համակարգը շատ ավելի ուժեղ է, քան՝ հարևան Վրաստանինը, իսկ Վրաստանում կորոնավիրուսի դեպքերի քիչ լինելը պայմանավորել էր թեստերի որակով և մեթոդաբանությամբ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am