Mamul.am
Ամբողջական տարբերակ
USD 483.84, EUR 543.30, RUB 6.81, GBP 602.38
+18 °C, +19 °C ... +31 °C Վաղը`+33 °C
Hay / Հայ | Рус | Eng | Tür
Բրազիլիայում կանխատեսվում է քաղաքացիական պատերազմ
00:00, 26.05.2020

Բրազիլիայում պաշտոնաթող զինվորականները կանխատեսում են, որ, հնարավոր է, քաղաքացիական պատերազմ սկսվի Դաշնային Գերագույն դատարանի գործողությունների հետևանքով, որը հետաքննություն է սկսել նախագահ Ժաիր Բոլսոնարուի դեմ, հայտնում է UOL-ը:
Խոսքը նախագահին ուղղված մեղադրանքների մասին է, որոնք վերաբերում են լիազորությունների չարաշահմանը և հետաքննող մարմինների գործողություններին միջամտելուն: Առաջին անգամ հանրության կողմից նախագահի հնարավոր հանցագործությունների մասին հայտնի դարձավ արդարադատության նախկին նախարար Սերխիո Մորուի կողմից: Ըստ նախկին զինվորականների՝ հետաքննություն սկսելու որոշումը սրում է կառավարման ճյուղերում առկա ճգնաժամը, և դրա հետևանքները կարող են հանգեցնել նույնիսկ քաղաքացիական պատերազմի:

Բրազիլիայի արդարադատության և հանրային անվտանգության նախարար Սերխիո Մորուն հրաժարական է ներկայացրել ապրիլի 24-ին: Նա նշանակվել էր նախագահի կողմից` կոռուպցիայի դեմ պայքարի համար և հեռացվել, երբ Բոլսոնարուն պաշտոնանկ էր արել դաշնային ոստիկանության պետին: Մորուն կարծում է, որ Բրազիլիայի նախագահն այդ քայլով ցանկացել է կանխել իր որդիների մասնակցությամբ քրեական գործերի հետաքննությունը»:

Տեղեկացրե՛ք Ձեր մտերիմներին
| |
դեպի վեր