+27 °C, +15 °C ... +27 °C Վաղը`+26 °C
Կառավարության նիստում ՀՀ ոստիկանության պետ Արման Սարգսյանը ներկայացրեց վերջին մեկ շաբաթվա ընթացքում կազմված արձանագրությունների թիվը. «Ընդհանուր առմամբ 966 արձանագրություն է կազմվել: Դիմակների բացակայության փաստով՝ 240 արձանագրություն, ուղևորափոխադրում իրականացնող տրանսպորտում սահմանված կանոնների պահպանման կապակցությամբ՝ 657 արձանագրություն, որից 594-ը՝ տաքսի ավտոմեքենաների վարորդների նկատմամբ, իսկ 63-ը՝ հանրային տրանսպորտում ավտոբուսների վարորդների նկատմամբ»,- ասաց ոստիկանապետը։ Նա հավելեց, որ միջմարզային ավտոճանապարհներին տեղակայվել են համապատասխան թվաքանակով անցակետեր, որտեղ նույնպես կստուգվի կանոնների պահպանման պատշաճ մակարդակի ապահովումը: Վարչապետ Նիկոլ Փաշինյանն արձագանքելով Ա. Սարգսյանին՝ հայտնեց, որ ըստ պայմանավորվածության, Երևանի վարչական շրջաններում, որոշակի բնակավայրերում կիրականցվեն ամենօրյա ռեյդեր, որպեսզի տեղում համոզվեն՝ ինչպե՞ս են տեղի ունենում նման միջոցառումները: Վարչապետը տեղեկացրեց, որ նման միջոցառում իրականացվել է Դավթաշեն վարչական շրջանում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am