Mamul.am
Ամբողջական տարբերակ
USD 485.12, EUR 546.92, RUB 6.72, GBP 605.43
+20 °C, +21 °C ... +33 °C Վաղը`+32 °C
Hay / Հայ | Рус | Eng | Tür
ՀՀ վարչապետը՝ երկրում բուժանձնակազմի պակասի մասին
18:55, 29.05.2020

ՀՀ վարչապետ Նիկոլ Փաշինյանն այսօր ճեպազրույցի ժամանակ անդրադարձավ բուժաշխատողներին պարգևատրելուն և առողջապահական համակարգում նոր մասնագետներ ներգրավելու հարցին:

«Կորոնավիրուսի բուժմամբ զբաղվող մասնագետների վարձատրությունները միջինում 2-3 անգամ բարձրացել են: Ավելացումները ձևավորվել են պարգևատրումների ֆոնդի հաշվին բուժաշխատողների մասնագիտությանը համապատասխան՝ բժիշկ, միջին բուժանձնակազմ և կրտսեր բուժաշխատող: Պարգևավճարներ են ստացել նաև Շտապ օգնության աշխատակիցները: ԱՆ-ը բուժաշխատողների համար ապահովում է նաև կեցության և սննդի հարցը»,- հայտնեց վարչապետը:

Անդրադառնալով բուժանձնակազմի պակասին՝ Նիկոլ Փաշինյանն ասաց. «ԱՆ-ն աշխատանքներ է տարել և կարողացել է աշխատանքներին ներգրավել մեծ թվով կամավորների, բուժաշխատողների, կլինիկական օրդինատորների: Միջոցներ են ձեռնարկվում նաև հանրապետությունում բժշկական կարողությունները, վերակենդանացման բաժանմունքների կարողություններն ավելացնելու համար»:

Տեղեկացրե՛ք Ձեր մտերիմներին
| |
դեպի վեր