+14 °C, +14 °C ... +27 °C Վաղը`+28 °C
Միացյալ Նահանգները ժամանակավորապես դադարեցնում է Առողջապահության համաշխարհային կազմակերպության հետ բոլոր հարաբերությունները, քանի որ կազմակերպության ղեկավարությունը հրաժարվել է իրականացնել այն բարեփոխումները, որոնք պնդել են ԱՄՆ իշխանությունները: Այս մասին հայտարարել է ԱՄՆ-ի նախագահ Դոնալդ Թրամփը, հայտնում է Reuters-ը: «Քանի որ նրանք հրաժարվեցին իրականացնել շատ ցանկալի և անհրաժեշտ բարեփոխումները, ապա, այսուհետ, մենք դադարեցնում ենք մեր հարաբերություններն ԱՀԿ-ի հետ և վերահասցեավորում ենք նրա ֆինանսավորումը»,-հայտնել է Թրամփը: ԱՄՆ նախագահը վերահաստատել է իր պահանջները կազմակերպությանը, քանի որ համարում է, որ Չինաստանի կողմից ԱՀԿ-ն վերահսկվում է: «Չինաստանը լիակատար վերահսկողություն ունի ԱՀԿ-ի նկատմամբ, չնայած տարեկան միայն 40 միլիոն դոլար է վճարում: ԱՄՆ-ը յուրաքանչյուր տարի փոխանցում է 450 միլիոն դոլար: Մենք բազմիցս առաջարկել ենք, որպեսզի նրանք բարեփոխեն կազմակերպությունը, բայց նրանք հրաժարվում են գործել»,-հավելել է Թրամփը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am