ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Ախպեր ջան, էս ի՜նչ հաշիվ է…»․ Նորայր Նորիկյան
00:05, 02.06.2020 | mamul.am
8163 | 1

Փաստաբան Նորայր Նորիկյանը ֆեյսբուքյան իր էջում գրել է. «Ռուսաստանի կորոնավիրուսն ուրիշ է, կամ ախպե՛ր ջան, էս ի՜նչ հաշիվ է…
ՌԴ նախագահ Վլադիմիր Պուտինը հրամանագիր է ստորագրել այդ երկրի սահմանադրության մեջ փոփոխություններ և լրացումներ կատարելու համար ս.թ. հուլիսի 1-ին համառուսաստանյան քվեարկություն նշանակելու վերաբերյալ:

Կարելի է ենթադրել, որ կորոնավիրուսի վտանգն այդ երկրում աստիճանաբար մարում է կամ այդքան էլ մեծ չէ և չի խանգարի ոչ միայն քարոզչությանը, այլև բուն քվերակությանը:

Մեզ մոտ տեղի է ունենում ճիշտ հակառակ գործընթացը. ամեն ինչ արվում է, որ նշանակված հանրաքվեն չկայանա, ինչը հիմնավորվում է կորոնավիրուսի հանգամանքով:

Էլի ենթադրում եմ, որ կորոնավիրուսի վերաբերյալ ռիսկերի գնահատումն ու հանրային ընկալումն այլ է, կամ ամեն մի երկիր իր կորոնավիրուսն ունի:

Իսկ եթե լուրջ, ինձ համար այդպես էլ հանելուկ մնաց այս հարցը. Եթե կորոնավիրուսը բոլոր երկրներում նույն վիրուսն է և վտանգավոր է նույն խոցելի խմբերի համար, ապա այդ ինչպե՞ս կարող է մի երկրում մի ձև պայքարել դրա դեմ, մյուս երկրում՝ բոլորովին այլ կերպ:
Այդ ինչպե՞ս է ստացվում, որ այդ կորոնավիրուսը մի երկրում իսկական աղետ է ստեղծել, իսկ հարևան երկրում ճիշտ հակառակ պատկերն է:

Վերջապես՝ ո՞վ կարող է ինձ բացատրել, թե ինչպե՞ս կարող է 150 միլիոնանոց երկրում հնարավոր լինել անցկացնել հանրաքվե, իսկ 3 միլիոնանոց երկրում՝ ոչ, եթե այդ կորոնովիրուսն ազգություն, պետություն և հզորություն չի ճանաչում…

Հայաստանում կա՞ այդպիսի մի պետական մարմին կամ հեղինակավոր անհատ, ով կարող է անաչառ ու օբյեկտիվորեն ներկայացնել, թե ի՞նչ է կատարվում կորոնավիրուսի շուրջ…

Կամ, պատկերավոր ասած, ախպեր ջան, էս ի՜նչ հաշիվ է…»:

Կիսվի՛ր այս նյութով՝
դեպի վեր