Mamul.am
Ամբողջական տարբերակ Մամուլի խոսնակ
USD 485.00, EUR 573.17, RUB 6.58, GBP 634.96
+25 °C, +17 °C ... +30 °C Վաղը`+31 °C
Hay / Հայ | Рус | Eng | Tür
«ԱՄՆ մամուլն առաջնորդվում է նույն սցենարով՝ ինչ մարտի 1-ից հետո քոչարյանական մամուլը». Հայկ Մարտիրոսյան
09:20, 02.06.2020

Քաղաքագետ Հայկ Մարտիրոսյանը ֆեյսբուքյան իր էջում գրել է. «Անչափ հետաքրքիր զուգահեռներ. ԱՄՆ հանրապետական մամուլը` «Ֆոքս Նյուզ» հեռուստաալիքի գլխավորությամբ` առաջնորդվում է այն նույն սցենարով, որով մարտի մեկից հետո քոչարյանական մամուլն էր շարժվում. այն է` ներկայացնել բողոքի ալիքն ու համաամերիկյան այս քաոտիկ շարժումը որպես միայն թալանչիների, վանդալների և բարբարոսների շարժում: Այո՛, ցավոք սրտի, կան այդպիսի բազում մարդիկ ամերիկյան քաղաքների փողոցներում այսօր, բայց այս շարժումը նրանցը չէ: Սա մի շարժում է, որն ունի խորը, հասարակության ամենատարբեր շերտերի համար այլևս անտանելի դարձող անարդարությունների և սոցիալական խորացող անհավասարության, ռասայական տասնամյակների անարդարության արմատներ: Եվ դրանք թաքցնելու համար հիմա հանրապետական պրոպագանդիստական մեքենան հենվում է նրանց վրա, ում համար հարստության և բիզնեսի անձեռնմխելիությունը միակ գերնպատակն է, և որոնք ոչ մի խորքային խնդիր տեսնելու ունակություն չունեն:

Եվ, իհարկե, ինչպես միշտ, մեր հայրենակիցներից շատերը կուլ են տալիս այդ խայծը: Ամերիկյան և հայկական հանրապետականների մեջ իրականում տարբերությունները մինիմալ են և խիստ կոսմետիկ: Եվ մենք, երեսուն տարի անընդմեջ հատուկ զրկված լինելով քաղաքական գրագիտությունից, անգամ Ամերիկայում չենք կարողանում տեսնել խնդիրների խորքային բնույթը` կենտրոնանալով միայն դրա որոշ շատ բացասական արտաքին արտահայտումների վրա:

Ամենուր, ամեն տեղ մարդկանց հիմարացնելու, անմաքուր պրոպագանդայի տեխնոլոգիաները նույնն են: Եվ ամենուր, ամեն տեղ մենք հեշտորեն դառնում ենք դրանց գերին»:

Տեղեկացրե՛ք Ձեր մտերիմներին
| |
դեպի վեր