OPEC+ նավթարդյունահանողների դաշինքի երկրները կրկին համաձայնության չեն եկել հուլիսի 1-ից նավթի արդյունահանման ծավալների փոփոխման շուրջ, հայտնում է РИА Новости-ն՝ հղում անելով բանակցող կողմերը ներկայացնող աղբյուրներին: Ըստ աղբյուրի՝ կողմերը բախվել են հակասությունների՝ կապված օրական 9,7 միլիոն բարել ծավալով նավթի արդյունահանման կրճատման ժամկետի շուրջ, չնայած նրանք կարող էին պայմանավորվել նշված պայմանների երկարաձգման մասին: Ներկայում համաձայնագրում նշվում է, որ հուլիսի 1-ից արտահանման սահմանափակումը սահմանվելու է մինչև օրական 7,7 միլիոն բարել: Վերջնական որոշումը պետք է կայացվեր տեսակոնֆերանսի ընթացքում, սակայն հանդիպման կայացման ամսաթիվը դեռ հայտնի չէ: |