Mamul.am
Ամբողջական տարբերակ
USD 486.73, EUR 549.62, RUB 6.84, GBP 613.77
+25 °C, +20 °C ... +28 °C Վաղը`+27 °C
Hay / Հայ | Рус | Eng | Tür
Արթուր Վանեցյանը դատի է տվել վարչապետին և նրա խոսնակին
22:50, 05.06.2020

ՀՀ ԱԱԾ նախկին տնօրեն Արթուր Վանեցյանը դատի է տվել ՀՀ վարչապետ Նիկոլ Փաշինյանին և նրա մամուլի խոսնակին՝ Մանե Գևորգյանին։ Այս մասին տեղեկանում ենք DataLex Դատական տեղեկատվական համակարգից։

Հայցը մակագրվել Երևան քաղաքի ընդհանուր իրավասության դատարանի դատավոր Լիլիթ Սարգսյանին։

Արթուր Վանեցյանը պահանջում է պարտավորեցնել վարչապետին և նրա խոսնակին զրպարտություն հանդիսացող փաստացի տվյալները հրապարակայնորեն հերքել, դրանք հեռացնել, հերքման տեքստը հրապարակել, ինչպես նաև պատվին և արժանապատվությանը պատճառված վնասը փոխհատուցել։

Հայցի պատճառը եղել է Մանե Գևորգյանի ապրիլի 29-ի ֆեյսբուքյան գրառումը:

Վարչապետի մամուլի խոսնակը գրել էր. «Զանգեզուրի պղնձամոլիբդենային կոմբինատի Մինասյանի փայաբաժինն, օրինակ, առերևույթ պաշտոնական լիազորությունների չարաշահմամբ և կրկին կեղծ փայատերերի օգնությամբ, ձեռք է բերել ԱԱԾ նախկին տնօրեն Արթուր Վանեցյանը։ Վերջինիս հորը պատկանող ընկերությունը դարձել է նաև ԶՊՄԿ-ի բեռների խոշոր փոխադրող»։

Տեղեկացրե՛ք Ձեր մտերիմներին
| |
դեպի վեր