ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+5 °C, +5 °C ... +16 °C Վաղը`+19 °C
ԱՀԿ-ն հայտարարել է #COVID_19-ի բուժման հարցում գիտական առաջընթացի մասին
11:35, 17.06.2020 | mamul.am
15908 | 1

Մեծ Բրիտանայի առողջապահական ոլորտի փորձագետները COVID-19-ի դեմ պայքարում ներկայացրել են Դեքսամետազոն պրեպարատի օգտագործման արդյունքները: Պրեպարատը նվազեցնում է մահվան ռիսկը 30%-ով՝ ծանր, ինչպես նաև արհեստական շնչառության սարքերին միացված հիվանդների համար: Մեծ Բրիտանիայում կորոնավիրուսի բուժման հարցում Դեքսամետազոնի կլինիկական փորձարկումները գիտական առաջընթաց են: Այս մասին հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը:
Ըստ նրա՝ դեղամիջոցի փոքր չափաբաժնով օգտագործումը մեծ առաջընթաց է համավարակի դեմ պայքարում։ Փորձարկման արդյունքում պարզվել է, որ Դեքսամետազոնը 1/3-ով կրճատել է թոքերի արհեստական օդափոխության սարքերին միացված պացիենտների մահացության վտանգը, թթվածնային սարքերին միացվածներինը՝ 1/5-ով։
Դեքսամետազոնը ստերոիդ է, որն օգտագործվում է անցյալ դարի 60-ականներից ի վեր որպես հակաբորբոքային միջոց: Այն նաև օգտագործվում է չարորակ ուռուցքների բուժման համար: ԱՀԿ-ը նշում է, որ պրեպարատն օգնում է միայն հիվանդության ծանր ընթացքի ժամանակ:

Կիսվի՛ր այս նյութով՝
դեպի վեր