+22 °C, +14 °C ... +26 °C Վաղը`+28 °C
Երևանի ընդհանուր իրավասության դատարանում, նախագահությամբ դատավոր Աննա Դանիբեկյանի, հետաձգվեց Քոչարյանի և մյուսների գործով դատական նիստը: Նիստի ընթացքում պաշտպանական կողմը հայտնել էր, որ պետք է ապահովել հակահամաճարակային անհրաժեշտ պայմանները՝ հատկապես նիստերի դահլիճում դատավարության մասնակիցների միջև սոցիալական հեռավորությունը։ Նշենք, որ Յուրի Խաչատուրովի պաշտպան Միհրան Պողոսյանը դատավարության սկզբից հայտնել էր, որ շփվել է COVID-19-ով վարակակրի հետ և պատրաստվում է թեստավորվել։ Դատարանն առաջարկեց օգտագործել դահլիճի մյուս հատվածը՝ սոցիալական հեռավորություն պահելու համար. «Եթե դատավարության մասնակիցների մի մասը տեղափոխվի այդ հատված, ապահովվեն սեղաններ, հնարավոր համարո՞ւմ եք այսօրվա նիստի շարունակությունը»,- հարցրեց Դանիբեկյանը: Ի պատասխան Ռոբերտ Քոչարյանն ասաց. «Ես՝ ոչ. այս դեպքում կառաջարկեի նույնիսկ կես ժամ ընդմիջել, ախտահանում անել»: Նիստի ընդմիջումից հետո դատավոր Աննա Դանիբեկյանը հայտնեց, որ դատական նիստը հետաձգվում է: Հաջորդ նիստը տեղի կունենա հուլիսի 7-ին՝ ժամը 13:00-ին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am