Սաուդյան Արաբիան OPEC+ երկրներին սպառնում է նավթային պատերազմով, եթե նրանք չկատարեն արտահանման կրճատման մասին համաձայնագրի կետերը, գրում է The Wall Street Journal-ը՝ վկայակոչելով աղբյուրներին: Բացի այդ, Սաուդյան Արաբիայի էներգետիկայի նախարար, արքայազն Աբդուլազիզ բին Սալմանն օրեր առաջ վերջնագիր է ներկայացրել Անգոլային և Նիգերիային՝ պահանջելով ներկայացնել արտահանման լրացուցիչ կրճատումների ծրագրեր՝ չկատարված պարտավորությունները փոխհատուցելու համար: Նախարարը երկրներին նաև տեղեկացրել է, որ Սաուդյան Արաբիան կարող է սկսել նավթը ցածր գներով վաճառել՝ Անգոլային և Նիգերիային վնասելու համար: |